Украина претстави ново беспилотно летало – роботско возило кое има способност да експлодира, а може да носи бомби и противтенковски мини во борбата против Русија
Беспилотното копнено возило (UGV), наречено Ratel S или Honey Badger, може да носи до 35 килограми тежина при максимална брзина од 24 километри на час, пишува Insider.
„Главната идеја е да се користи роботот како мобилна боева глава која носи противтенковски мини или други експлозивни направи“, изјави Викторија Ковалчук, портпарол на програмата Brave 1, како дел од која беше развиена.
Дронот може да лета до 40-50 минути со просечна брзина или до два часа малку побавно, рече таа.
Сликите од новото возило беа споделени на мрежата Х во вторникот од министерот на Украина Михаило Федоров, чии одговорности вклучуваат иновации и дигитална трансформација.
— Mykhailo Fedorov (@FedorovMykhailo) October 24, 2023
Фотографиите покажуваат беспилотно возило на четири тркала врзано со лажни минофрлачки гранати од 82 мм. На втората фотографија, на возилото е поставен сигнален повторувач и жолта противтенковска мина ТМ-62.
Федоров рече дека возилото може да „разнесе“ руски тенкови и опрема од безбедна локација. Во посебна објава на Телеграм, тој откри дека има домет од околу девет километри. Уредот, кој е опремен со повторувач и систем за далечинска детонација, го управува оператор кој носи заштитни очила. Видеото, кое го сподели и Федоров, покажува како операторот користи далечински управувач налик на Playstation за да го насочи возилото да удри во бело комбе со полна брзина.
Ratel е развиен како дел од проектот наречен Brave 1, кој го надгледува Федоров. Идејата потекнува од 120-от Украински извидувачки баталјон бидејќи сакале беспилотно возило способно далечински да испорачува голема боева глава и да се спротивстави на електромагнетни пречки, пишува „Киев пост“.
Водачот на тимот за развој, Тарас Остапчук, изјави за весникот дека возилото може тивко да се доближи до руските позиции, да совладува пречки високи до 20-25 сантиметри и ефикасно да работи дури и на песочен терен.
„Нашиот „јазовец“ може да го помине секој терен со кој може да се справи џип“, тврди Остапчук.
Беспилотното возило ги помина тестовите на терен и е пуштено во масовно производство, рече Федоров во објавата на Телеграм.