Страшна бура ги опустоши грчките острови Родос и Лемнос. Патиштата се претворија во реки, а бројни куќи претрпеа непроценливи штети.
Две лица на Лемнос го загубија животот. Станува збор за 57-годишен земјоделец кој се обидел да го закачи својот автомобил на трактор за да го извади од калта, а повреден е и 70-годишен маж кој ги чистел скалите по минувањето на невремето „Бора“ кога се лизнал и паднал на глава.
Rhodes devastated by Storm Bora! 💔 Unprecedented rainfall caused major road damage, triggering a traffic ban. More rain expected. Stay safe, Rhodes! #Rhodes #Greece #StormBora #flooding @SouthAegeanRegion pic.twitter.com/fr2hsHIsh7
— Greek City Times (@greekcitytimes) December 1, 2024
Главните патишта беа блокирани, а некои беа целосно уништени, како на пример Фалираки каде што патот беше пресечен на два дела.
Дождот престана, а службите се уште добиваат десетици повици за испумпување на водата. Еден куп возила останаа заробени, а според последните информации, како што пишува грчкиот портал Катимерини, бројката достигна 80.
📌 Rhodes & Lemnos, Greece 🇬🇷 #floodings #Greece #rhodes #lemnos
Storm #BORA brings chaos across Greece. pic.twitter.com/sz1rLMMc6L— Light Beings Observer (@BeingsObserver) December 1, 2024
Меѓу заробените имало деца и постари лица и сите биле успешно евакуирани. Гувернерот на областа, Јоргос Хаџимаркос, изјави дека поради невремето, евакуација на населението е извршена во „особено тешки услови“.
Многу куќи се без вода и струја. На терен има бројни екипи од општината и регионот, како и армиски екипи кои се обидуваат да ја санираат штетата. Ги преземаат сите мерки со оглед дека им се заканува ново влошување на времето. Метеоролозите предупредуваат дека се можни обилни врнежи од снег, особено во западниот дел на провинцијата Егејска Македонија и планинскиот регион Епир на северозапад.
Storm Bora Causes Devastating Floods in Rhodes.
Climate change affects us all and is accelerating.
To all world leaders- For us, it’s about survival! you have to act now!https://t.co/FFVQWjQduf#klimakatastrophe#Election2024#noafd #ClimateCrisis pic.twitter.com/NOC3kZhzlT— netzfrauen☮️ (@netzfrauen) December 1, 2024
Цивилната заштита испрати предупредување до населението за можни обилни дождови и силен ветер во централниот дел на Македонија, Тесалија, Атика и подрачјето на Атина. Со одлука на локалните власти училиштата и градинките ќе останат затворени додека не ја проценат штетата и не донесат нова одлука.