Кошаркарот на Вориорс, Стеф Кари ќе мора да оди на магнетна резонанца поради повреда на левиот скочен зглоб, поради која мораше да го напушти натпреварот помеѓу Голден Стејт и Лос Анџелес Клиперс на почетокот на четвртата четвртина.
Вориорс загубија од Клиперс со 112:104. Сепак, повеќе од поразот, тренерот Стив Кер беше загрижен за состојбата на Стеф Кари, кој повреден го напушти теренот.
Looks like a inversion (lateral) ankle sprain for Stephen Curry
Positive note is he still wears the Zamst ankle braces which should lessen the severity of the sprain. Timeline of healing
Grade I: 1-2 weeks
Grade II: 4-6 weeks
pic.twitter.com/VLSBIEvUSV— Dr. Evan Jeffries, DPT (@GameInjuryDoc) October 28, 2024
Како што дознаваат американските медиуми, искусниот кошаркар ќе мора да паузира извесно време и ќе пропушти одреден број натпревари.
– Тој зглоб многупати е „свиткан“. Тој мисли дека не е толку лошо. Сепак, ова очигледно претставува загриженост за нас“, рече Кер.
Кари за прв пат го повреди зглобот на нешто помалку од три минути до крајот на третата четвртина. Веднаш ја напушти играта, куцаше на страна и седна на клупата.
Тој се врати во игра во последниот дел, но за само неколку секунди ја влоши повредата. Овој пат отиде во соблекувалната.
За неполни 27 минути Кари постигна 18 поени со четири скока и шест асистенции.
По три одиграни натпревари, Голден Стејт има скор 2-1, а следниот меч го игра ноќта меѓу вторник и среда против Њу Орлеанс.