Фудбалерите на Барселона го победија Реал во 35-то коло од Ла Лига со резултат од 4:3 во нереално „Ел Класико“ за кое ќе се раскажува со години, а триумфот можеше да биде уште поубедлив доколку голот на Фермин Лопез беше признат во последните минути од натпреварот.
Голот беше поништен поради претходно играње со рака, а сега видеото од ВАР собата предизвика вистинска бура меѓу навивачите на Барселона.
Имено, судијата во ВАР собата Мартинез Мунуера го предупреди главниот судија Хернандез Хернандез да го поништи голот бидејќи, според него, топката ја погодила раката на Фермин.
Сепак, она што го предизвика бунтот беше непознат глас во позадината на видеото што може да се слушне за момент како вели: „Фала му на Бога!“ (во 37-та секунда од приложеното видео).
Watch out, they will delete this audio and release another to cover the “Thank God” phrase that they used to celebrate Fermin Lopez’s disallowed goal.
Just look at what Barcelona is battling in every game! 💔pic.twitter.com/pd1fXNLat5
— BeksFCB (@Joshua__Ubeku) May 12, 2025
Видеото брзо стана вирално, како што се очекуваше, а фановите го изразија своето незадоволство во коментарите од овој метод на комуникација.
Да потсетиме, Барселона синоќа славеше на „Монжуик“ со 4:3 и со тоа го победи Реал Мадрид по четврти пат оваа сезона со гол-разлика од 16:7.