Индиските железници наредиле истрага откако товарен воз поминал повеќе од 70 километри без машиновозач.
На социјалните мрежи кружат видеа на кои се гледа како воз со голема брзина брза покрај неколку станици.
Извештаите покажуваат дека возот сообраќал без машиновозач од Катуа во Џаму и Кашмир до областа Хошиарпур во Пенџаб во неделата. Од железницата тврдат дека возот бил запрен и дека нема повредени.
Официјални лица изјавиле за новинската агенција Press Trust of India дека инцидентот се случил помеѓу 7:25 и 09:00 часот по локално време во неделата. Возот со 53 вагони, кој превезувал иверка, бил на пат кон Пенџаб, кога запрел во Катуа поради промена на екипажот.
BIG BREAKING 🚨
A goods train ran 78 KM without a driver from Kathua in Jammu and Kashmir. In Hoshiarpur, Punjab, it was stopped by installing wooden stoppers.
Actually, at Kathua, the driver got down from the start engine without applying hand brake. Due to the slope, the… pic.twitter.com/OQgUkxAgF5
— Ashish Singh (@AshishSinghKiJi) February 25, 2024
Официјалните лица велат дека возот почнал да се движи надолу по пругата откако машиновозачот и неговиот помошник се симнале. Возот се движел со брзина од речиси 100 km/h и поминал низ пет станици пред да биде запрен.
Набргу откако било издадено предупредување за возот во движење, официјалните лица ги затвориле железничките премини по неговата патека.
„Возот беше запрен откако службеник на железницата постави дрвени блокови на пругата за да го запре возот“, навеле официјалните лица, објаснувајќи дека дрвените блокови помогнале да се намали брзината на возот.