Принцезата од Велс проговори за своето здравје по завршувањето на хемотерапијата во многу лично и емотивно видео, објавено од Кенсингтонската палата.
Кејт во март откри дека е на лечење од рак и оттаму не се појавуваше во јавноста поголемиот дел од оваа година, велејќи во емотивното видео дека оваа година била „неверојатно тешка“ и дека „животот каков што го знаете може да се промени во само еден момент“.
Иако видеото испраќа позитивна порака за напредокот на принцезата во лекувањето, од палатата посочуваат дека во оваа фаза не може да се каже дали таа целосно закрепнала.
A message from Catherine, The Princess of Wales
As the summer comes to an end, I cannot tell you what a relief it is to have finally completed my chemotherapy treatment.
The last nine months have been incredibly tough for us as a family. Life as you know it can change in an… pic.twitter.com/9S1W8sDHUL
— The Prince and Princess of Wales (@KensingtonRoyal) September 9, 2024
Принцезата го опиша своето искуство во борбата со ракот како „комплексно, застрашувачко и непредвидливо“.
„Со понизност, се соочувате со вашите сопствени слабости на начин на кој никогаш досега не сте размислувале, а со тоа и нова перспектива за сè“, вели принцезата во личното видео снимено минатиот месец во Норфолк.
Видеото, снимено во есенски бои, сугерира колку е задоволна што ја завршила оваа фаза од нејзиното лекување.
„Како што летото завршува, не можам да ви кажам колку ми е олеснето што конечно се заврши со хемотерапија“, вели таа, видена како вози и пешачи со своето семејство.
Нејзините здравствени проблеми започнале во јануари кога била хоспитализирана поради неодреден вид на операција на абдоменот. Принцезата ја откри дијагнозата на рак во март, со видео порака во која истакна дека е на лекување и дека ќе ѝ треба приватност додека закрепне.