157
Во текот на изминатата ноќ во српската престолнина Белград пристигнаа 70 автобуси со бегалци. Тие пристигнаа од привремениот камп во Прешево, во југоисточниот дел на Србија .
Денес во Белград ќе биде отворен информативен центар за бегалци, каде имигрантите ќе може да добиваат информации на својот мајчин јазик, јави РТС.
Високиот комесаријат за бегалци на ОН (ВКБ на ОН) соопшти дека над 7.000 имигранти пристигнаа во Србија во саботата спроти неделата.
“Над 7.000 лица влегоа во Србија во текот на ноќта во саботата спроти неделата, откако успеаја да преминат од Грција во Македонија и да се качат на воз во градот Гевгелија”, соопшти УНХЦР во соопштението.