Двајца патролирачки полицајци биле повредени во силна експлозија во центарот на унгарската престолнина Будимпешта во саботата вечерта, пренесоа светските агенции.
Сеуште не е утврдена причината за експлозијата, посочуваат од локалната полиција.
Инцидентот се случил пред продавница на едно од најфреквентните раскрсници во центарот на унгарската престолнина. Телевизиски кадри покажаа уништен влез и искршени прозорци на околни згради и автомобили.
Владиниот портпарол одби да коментира дали може да станува збор за намерен напад.
Ројтерс потсетува дека премиерот Виктор Орбан е еден од најпознатите гласовити противници на имиграцијата во Европа и ги повикува гласачите да ги отфрлат на референдум следната недела, наметнати од ЕУ квоти за населување на бегалци , тврдејќи дека имиграцијата ги зголемува ризиците за безбедноста.
Полицијата ја опколи областа околу експлозијата на плоштадот Октогон. На сајтот index.hu е цитиран мејл од очевидец кој видел 50 мм шајка, заглавена во светлото на лоцирано во близина такси. Слики покажуваат неколку клинци на земјата наведени од полицајците со креда.
Локалниот жител Кадоша Бенчи кажал за Ројтерс дека во првиот момент по експлозијата помислил дека станува збор за напад како во Брисел, Париз или Ница. “Можноста нешто слично да се случи каде било во ЕУ е реална”, рекол тој.