Поранешниот претседател на САД, Доналд Трамп, е снимен за прв пат по атентатот на митингот во Пенсилванија. Заменик-директорот за комуникации на Трамп, Марго Мартин, објави видео од поранешниот претседател како оди по скалите на авион утринава.
Покрај видеото пишува: „Силен и издржлив. Тој никогаш нема да престане да се бори за Америка“.
Strong and resilient. He will never stop fighting for America. pic.twitter.com/B9yR3SLQJV
— Margo Martin (@margommartin) July 14, 2024
Се верува дека Трамп се вратил во Њу Џерси по митингот во Пенсилванија.
Кандидатот за претседател на САД, Доналд Трамп, бил нападнат со огнено оружје за време на изборен митинг. Тој беше застрелан во увото за време на вчерашниот предизборен митинг, но се наведува дека неговата состојба е стабилна.
ФБИ утрово го именуваше Томас Метју Крукс (20) од Бетел Парк, Пенсилванија, како субјект вклучен во обидот за атентат. Крукс, бил регистриран како републиканец, според избирачкиот список на државата, но федералните извештаи за финансирање на кампањи исто така покажуваат дека тој дал 15 долари на комитет за прогресивна политичка акција на 20 јануари 2021, денот кога претседателот Џо Бајден положи заклетва на функцијата. Бетел Парк е претежно бел, релативно добро ситуиран град во јужниот дел на пошироката околина на Питсбург. Местото на митингот, Батлер, е околу еден час возење северно од Питсбург.
ФБИ соопшти дека истрагата останува активна и во тек. Сè уште не е идентификуван мотивот за обидот за атентат.