Администрацијата на Доналд Трамп се соочува со сериозен скандал, откако главниот уредник на The Atlantic, Џефри Голдберг, откри дека останал член на група за комуникација на апликацијата Signal, во која водечки фигури на Трамп ја планирале воената акција против Хутите во Јемен.
На 15 март, во петок, светот дозна дека САД извршиле бомбардирање врз бунтовничката група, но Голдберг тврди дека имал информации за нападот цели два часа пред да биде објавен.
Според Голдберг, поранешниот секретар за одбрана, Пит Хегсет, му испратил порака во 11:44 часот, во која биле содржани детални планови за нападот – вклучувајќи цели, видови оружје и точниот тајминг на операцијата. Главниот уредник на The Atlantic не ги сподели техничките детали, нагласувајќи дека тоа би можело да загрози одредени лица во американската војска и дека тие информации не се од јавен интерес.
Сепак, тој посочува дека вистинскиот скандал лежи во фактот што клучните луѓе на Трамп направиле сериозна грешка – оставајќи го во групата за внатрешна комуникација.
Во групата, наречена „Мала група на компјутери за Хутите“, се забележуваат разлики во ставовите. Потпретседателот Џеј-Ди Венс, на пример, се спротивставил на нападот, велејќи дека не сака „повторно да ја спасува Европа“.
Во разговорот, Венс истакнал дека само 3% од американската трговија поминува низ Суецкиот канал, додека за Европа оваа рута е клучна, со 40% зависност од неа. Според него, нападот бил „грешка“ и главната причина за акцијата била да се испрати порака, а не реална потреба.
„Не сум сигурен дали претседателот е свесен колку овие напади се спротивни на неговата актуелна политика кон Европа. Тие може да доведат до пораст на цената на нафтата“, напишал Венс, додавајќи дека, и покрај неговите сомнежи, ќе ја поддржи одлуката на тимот.
Секретарот за одбрана, Пит Хегсет, подоцна истакнал дека нападот ќе испрати силен сигнал за решителноста на САД.
„Ако сметате дека треба да одиме, тогаш ќе одиме. Но, навистина мразам повторно да ја спасувам Европа“, додал Венс.
Само два дена пред нападот во Јемен, Трамп се закани дека ќе воведе царина од 200% за вино, шампањ и други европски алкохолни пијалоци, доколку Европската унија не ги укине царините за американското виски.
Во преписката во групата, неименуван учесник со иницијали „С.М.“ – за кого се верува дека е Стивен Милер, заменик-шефот на кабинетот на Трамп – сугерирал дека претседателот дал „зелено светло“, но дека треба да се договорат услови со Египет и Европа за возврат.
Последната порака на 15 март пристигнала во 21:46 часот од Пит Хегсет:
„Се согласувам.“
Според Голдберг, веќе следниот ден нападот бил извршен, а членовите на групата си честитале за успешно спроведената операција.
Trump says he “doesn’t know anything about” the group chat with JD Vance and Pete Hegseth discussing top secret war plans.
How long until Trump says he doesn’t know who Pete Hegseth is? 🤣
— CALL TO ACTIVISM (@CalltoActivism) March 24, 2025