Возачите на Формула 1 се враќаат на патеката по летната пауза, а во Белгија врне дожд. Спа-Франкошамп е првата станица, а тимовите се во различно расположение влегувајќи во овој тркачки викенд.
Секако најзадоволни се во Мекларен, Пјастри и Норис се доминантни, но ниту Луис Хамилтон не се откажува. Повеќекратниот светски шампион откри дека интензивно работи со Ферари за да се осигури дека неговата ера со познатиот италијански тим нема да помине без шампионска круна.
Неговата дебитантска сезона во црвениот автомобил беше многу потешка од очекуваното, Ферари изгуби чекор во развојот во споредба со конкуренцијата, а Хамилтон сè уште не забележал ниту еден подиум во 2025 година.
#BelgianGP 🇧🇪 | Lewis Hamilton is asked if the removal of Christian Horner surprised him:
“When I'm away from race weekends I don't pay attention to what is happening in F1 other than what’s happening in own team, so I was neither surprised or not surprised. I was just minding… pic.twitter.com/mlx0OY9WFp
— deni (@fiagirly) July 24, 2025
„Поминав неколку дена во фабриката во последните две недели. Ги анализиравме претходните трки и работите што треба да ги промениме. Имав многу состаноци, каде што разговаравме за моторот, предната и задната суспензија за следната сезона“, рече Луис Хамилтон.
Британецот е решен да ги сврти работите во остатокот од сезоната и да не дозволи неговата ера во Ферари да заврши со неуспех.
„Гледам огромен потенцијал во Ферари. Нивната страст е неспоредлива, но тимот е огромен и сите делови сè уште не работат заедно. Ако ги погледнете последните 20 години, тие имаа неверојатни возачи, Кими, Фернандо, Себастијан. Сите се светски шампиони, но никој не ја освоил титулата со Ферари. Нема да дозволам тоа да ми се случи мене, па затоа давам сè од себе“, заклучи Хамилтон.