Неколку згради во Бангкок се евакуирани во понеделник наутро поради извештаи за вибрации и пукнатини кои се појавиле во зградите, објави Бангкок пост.
Bеше објавено i дека во ѕидовите се слушнало пукање, што предизвикало паника кај многу жители, како и кај владините службеници кои живеат во одредени згради во строгиот центар на Бангкок.
Video shot of iconic Mahanakorn building swaying during #Bangkok earthquake that occurred on Friday, March 28, around 1:20pm local time. pic.twitter.com/2pBW03PVc7
— Erasmo Guerra (@erasmoguerra) March 28, 2025
Евакуацијата започнала околу 10 часот. Меѓу погодените беа зградите на владиниот комплекс на патот Ченг Ватана, Министерството за труд во областа Дин Даенг и зградите на судот на патот Рачадаписек.
Луѓето беа евакуирани и од седиштето на Државната банка за домување во округот Хуаи Кванг, Кривичниот суд во Рачадафисек и Канцеларијата за социјално осигурување во Дин Даенг.
Три дена по силниот земјотрес што го погоди Мјанмар, властите проценуваат дека загинале најмалку 1.700 луѓе. Спасувачките тимови се обидуваат да пронајдат уште преживеани под урнатините на зградите во Мјанмар и Тајланд, а во заедничка петчасовна спасувачка операција спроведена од кинески, руски и локални тимови, една жена е спасена по 60 часа под урнатините на хотелот Great Wall во градот Мандалеј, јавува Ројтерс.
Во Бангкок, главниот град на Тајланд, спасувачките тимови со помош на кранови и кучиња трагачи денеска ја продолжија потрагата по 76 лица за кои се верува дека се затрупани под урнатините на облакодер во изградба, кој се урна.