Американскиот секретар за внатрешна безбедност, Кристи Ноем објави видео на социјалните мрежи снимено во контроверзниот голем затвор во Ел Салвадор. Таа им се заблагодари на таа земја и нејзиниот претседател што „примиле терористи и ги затвориле“.
Министерката Ноем го посети затворот во кој американските власти неодамна депортираа 238 Венецуелци.
Додека таа зборуваше, во ќелијата зад неа можеа да се видат десетици полуголи и тетовирани членови на салвадорската банда од MS-13 и 18th Street.
I toured the CECOT, El Salvador’s Terrorism Confinement Center.
President Trump and I have a clear message to criminal illegal aliens: LEAVE NOW.
If you do not leave, we will hunt you down, arrest you, and you could end up in this El Salvadorian prison. pic.twitter.com/OItDqNsFxM
— Secretary Kristi Noem (@Sec_Noem) March 26, 2025
Посетата покажува дека претседателот Трамп не планира да отстапи од својата имиграциска политика и покрај судската забрана, потврдена од апелациониот суд, спречувајќи ја депортацијата на Венецуелците од американско тло според Законот за непријателски странци од 1798 година.
„Ова е една од алатките со кои располагаме“, го опиша Ноем затворот како „една од достапните алатки“. „Ова е една од последиците што можете да ги очекувате доколку нелегално влезете во нашата земја“, додаде, меѓудругото.