Шефот на украинската главна управа за разузнавање, генерал полковник Кирил Буданов изјави дека Русија не се доживува како федерација, туку како империја. Тој ја даде оваа изјава на конференција во Киев, организирана од Фондацијата Виктор Пинчук по повод третата годишнина од целосната руска инвазија, според извештајот на „Киев пост“.
„Во моментов, руското раководство се стреми кон империја по моделот на Советскиот Сојуз, но вклучувајќи ги и земјите од Варшавскиот пакт. Замислете го најлошото сценарио – три земји да се спојат во една, што е речиси незамисливо“, рече Буданов.
Ако Русија ја постигне својата империјална цел, Буданов предвидува дека следните цели ќе бидат Полска, Чешка, Унгарија и Бугарија.
„Полска е прва во редот, тоа ви го кажувам отворено. Нема потреба од паника, но бидете свесни“, предупреди тој. „Потоа следат Чешката Република, Унгарија и Бугарија – сите ќе паднат под контрола. Тоа е минимумот за поранешните членки на Варшавскиот пакт доколку се формира империја, а што ќе следи е тешко да се каже“, додаде тој.
The Russian Federation doesn’t see itself as a federation — it sees itself as an empire— Ukraine’s Intelligence chief speaking at the YES conference event held in Kyiv by the Victor Pinchuk Foundation on Feb. 24, the third anniversary of the Russian full-scale invasion. pic.twitter.com/dUFlbDTgyS
— KyivPost (@KyivPost) February 24, 2025
Буданов смета дека Русија во моментов има потреба од пауза за да ја врати силата и да ги исправи грешките.
„Руската Федерација разбира дека не може брзо да ја постигне својата стратешка цел. Не велам дека Русија целосно пропаѓа или дека не им оди добро. Тоа не е точно. Тие напредуваат, но не доволно брзо за да ја остварат својата стратешка цел. Затоа им треба пауза“, заклучи Буданов.