Фудбалерите на Јувентус ја прифатија поканата да ја посетат „Белата куќа“ и Доналд Трамп, а кога стигнаа таму претседателот на САД им создаде помалку непријатна ситуација.
Седејќи на своето биро, со грб кон „бјанконерите“, Трамп го искористи вниманието на медиумите за да освои политички поен во битката со промоторите на идејата дека трансродовите лица можат да се натпреваруваат на професионално ниво во натпреварување на кое не припаѓаат по раѓање.
Поточно, во САД се водат неколку судски случаи откако некои трансродови натпреварувачи се појавија во женски натпреварувања – родени мажи кои потоа решија да се подложат на процесот на хормонска терапија и транзиција во спротивен пол.
„Дали жена може да игра во вашиот тим, момци?“, со ова прашање Трамп ги изненади играчите на Јувентус. Тие главно „кисело“ се насмевнаа, но ниту еден играч не се осмелил
Trump asks the Juventus players standing behind him if women could make their team and tries to bait them into endorsing his transphobia pic.twitter.com/cJymDAmcSd
— Aaron Rupar (@atrupar) June 18, 2025
да одговори.
Непријатната тишина ја прекина генералниот директор на клубот, Дамиен Комоли, во обид да понуди дипломатски одговор. „Имаме многу добар женски тим, тие се шампионки на Италија“, истакнал Комоли.
„Но, тие треба да се натпреваруваат против жени, нели?“ продолжил Трамп, заинтересиран да ја одведе својата приказна до крај.
Овој пат Комоли не понудил одговор. „Доста дипломатско од ваша страна“, коментирал претседателот на САД и ја сменил темата.