Во Белград веќе го нема графитот „Новак допинг Ѓоковќ“, кој се претпоставува дека е насочен кон најдобриот тенисер во историјата.
Во петокот наутро беше префарбан, а на негово место сега стои „Ноле Србине“ напишано на кирилица.
Се претпоставува дека причината за испишувањето на првиот графит „Новак допинг Ѓоковќ“ е отворената поддршка на сопственикот на 24 гренд слем титули на студентите, кои повеќе од четири месеци се борат да ја утврдат одговорноста за смртта на 16 лица при падот на настрешницата на железничката станица во Нови Сад.
Српскиот ас во последно време е во немилост на некои медиуми наклонети кон актуелниот претседател Александар Вучиќ, кои дури отидоа дотаму што не ги следеа резултатите од неговите натпревари во еден период.
Кампањата против Новак очигледно е во тек, а овој графит беше уште еден удар за Ѓоковиќ што застана со студентите. Или барем требаше да биде, со оглед на тоа што човек по име Новак Ѓоковќ веројатно не постои.
Комичниот графит го нема, а новиот покажува што навистина мислат луѓето во Србија за спортскиот великан, стои во коментарот на „Спорт клуб“.