На Инстаграм профилот „Forummapping“ се појави интересна мапа, која брзо го привлече вниманието на корисниците од регионот. Мапата е креирана со помош на вештачка интелигенција и прикажува нови, симболични имиња на европските метрополи, инспирирани од нивната историја, култура и препознатливи карактеристики. Според оваа мапа со вештачка интелигенција, Скопје е именуван како „Град на споменици“, најверојатно поради проектот „Скопје 2014“ и архитектурната антиквизација на центарот на главниот град.
Од регионот, Сараево се нарекува европски Ерусалим, епитет што совршено му одговара поради вековната традиција на коегзистенција на различни религии и култури на мал простор.
Загреб е претставен како Мала Виена, која се темели на својата архитектура, културна сцена и историско влијание што датира од периодот на Австроунгарската монархија.
Белград е наречен Бел Феникс, како знак на симболичната сила на градот, кој, како што се вели, постојано се издигнувал од пепелта по големите уништувања низ историјата.
Оваа креативна мапа предизвика бројни коментари и реакции, а многумина ја пофалија идејата за освежување на погледот на европските метрополи и нивната симболика преку модерен, дигитален пристап.