Најмалку 21 лице загинало, а исто толку се ранети во руски воздушен напад врз селото Јарова во регионот Донецк, потврди во понеделник шефот на регионалната воена администрација, Вадим Филашкин.
„Русите нападнаа цивили додека се делеа пензии. Ова не е војна, ова е чист тероризам“, напиша Филашкин на Телеграм.
Јарова е оддалечена помалку од 10 км од линијата на фронтот, а Русија ја окупираше во 2022 година пред украинските вооружени сили да ја ослободат во контраофанзива подоцна истата година.
At least 21 civilians were killed and more than two dozen injured following a barbaric direct Russian strike with an air bomb on ordinary people lined up to receive pensions in the village of Yarova in the Donetsk region.
This heinous crime demands worldwide condemnation and… pic.twitter.com/HrY9xL5NNb
— Andrii Sybiha 🇺🇦 (@andrii_sybiha) September 9, 2025
Украинскиот претседател Володимир Зеленски, во изјава на социјалните мрежи, го опиша нападот како чиста бруталност и нагласи дека се случил „во време кога обичните цивили ги примале своите пензии“. Според него, ова е злосторство на кое не смее да остане без одговор меѓународната заедница.
⚡️Today, 9 September 2025, at around 11 a.m., Russian occupiers carried out an airstrike with a guided aerial bomb (KAB) on the village of Yarova in the Kramatorsk district of Donetsk region. pic.twitter.com/3mkh1Qvc1h
— Генеральний штаб ЗСУ (@GeneralStaffUA) September 9, 2025
„Русите продолжуваат да уништуваат животи, избегнувајќи нови силни санкции и напади. Светот не смее да молчи или да стои настрана. Потребен е одговор од САД, Европа и Г20. Потребни се силни мерки за да се спречи Русија да носи смрт“, рече Зеленски.
Украинскиот комесар за човекови права, Дмитро Лубинец, рече дека нападот е „уште една потврда за системскиот терор врз цивилното население на Украина“.
„Укринформ“ потсетува дека еден ден претходно, руските сили во регионот Доњецк убија шест и ранија десет цивили.
Претседателот Зеленски го објави вознемирувачкото видео на својот X профил.