Четири лица загинале, а најмалку 23 се повредени во судир на брз патнички и товарен воз во близина на чешкиот град Пардубице, соопштија тамошните власти.
Чешкиот министер за внатрешни работи Вит Ракусан соопштил дека несреќата се случила во средата доцна навечер, околу 23 часот по локално време, на 100 километри од Прага.
Тој истакнал и дека три лица претрпеле сериозни повреди, но дека нивните животи не се во опасност.
V Pardubicích došlo ke srážce osobního a nákladního vlaku. Na místě aktuálně probíhá zásah všech složek IZS, byl vyhlášen traumaplán, na místě je velké množství zraněných, nemůžeme vyloučit ani mrtvé. #policiepak pic.twitter.com/P4EHlAAYQD
— Policie ČR (@PolicieCZ) June 5, 2024
Возот сообраќал од Прага до Кошице во Словачка. Во моментот на несреќата во двата воза имало околу 300 луѓе, а полицијата, пожарникарите и итната помош брзо пристигнале на местото на настанот.
Повредените со хеликоптер се пренесени во најблиската болница.
-Машиновозачите на двата воза преживеале, јави чешката агенција „ЦТК“.
Po srážce vlaků v Pardubicích nemocnice přijaly 27 zraněných. Bilance se oproti původním informacím o něco zvýšila. V pardubické nemocnici skončilo 18 lidí, v Chrudimi tři a v Hradci Králové šest. Dopravce RegioJet je připravený vyplatit odškodnění všem, kterých se tragická… pic.twitter.com/M1XqZPtaDo
— ČT24 (@CT24zive) June 6, 2024
Државната чешка телевизија објави дека товарниот воз превезувал калциум карбид, но дека не дошло до истекување, бидејќи првите два вагона биле празни.
Коридорот во Пардубице, каде што се судриле возовите, е од витално значење за чешките железници. Чешкиот премиер Петр Фијала изјави дека тоа е голема трагедија и изрази сочувство до семејствата на жртвите.