Високиот претставник на Европската унија за надворешна политика и безбедност, Жозеп Борел, денеска, по повод самитот на лидерите на ЕУ со земјите кандидати од Западен Балкан, објави дека проширувањето на ЕУ е инвестиција во „мирот, безбедноста и напредокот“.
Борел посочи дека претстојниот самит во Брисел е „најважната средба“ на ЕУ и Западен Балкан оваа година, како и дека ги зајакнува врските на блокот со регионот и ја подобрува соработката за надворешни и безбедносни прашања.
The leaders of the EU and the Western Balkans will meet today at the #EUWBSummit.
This important Summit aims to create closer ties between the EU and the region – our future EU members.
Enlargement is a geo-strategic investment in peace, security, and prosperity. pic.twitter.com/awHCemjxtc
— Josep Borrell Fontelles (@JosepBorrellF) December 13, 2023
Во видеото на платформата Х, Борел додаде дека Западен Балкан е од стратешко значење за Европската унија, како и дека Унијата „смета на идните членки како доверливи партнери“.
„Нашиот одговор на геополитичките предизвици е геостратешко инвестирање во мир, сигурност и безбедност“, наведува тој во видеото.