Чеченскиот лидер Рамзан Кадиров ги повика своите безбедносни сили да ги казнат роднините на оние кои извршиле злосторства.
Кадиров, близок соработник на рускиот претседател Владимир Путин, ги дал овие упатства за време на состанокот со командантите и шефовите на единиците на министерството за внатрешни работи на Чеченската Република и Националната гарда.
„Доколку некој ја наруши јавната безбедност, службеник или турист, па дури и да не го најдеме сторителот, нема да продолжиме да го бараме, но сигурно ќе ги најдеме неговите роднини“, рекол Кадиров на средбата која наводно била одржана на 30 декември.
Кадиров владее со претежно муслиманската република Чеченија, која се наоѓа на југот на Русија, од 2007 година. Меѓународните групи го обвинуваат дека е одговорен за бројни прекршувања на човековите права, вклучително и киднапирања, тортура и вонсудски убиства.
Состанокот се фокусираше на тоа како властите можат да ја обезбедат јавната безбедност за време на празниците.
Kadyrov suggested killing relatives of criminals for the crimes they committed:
"If someone infringes on public safety, an officer or a tourist, and if we don't even find the offender, we won't keep looking for them, but we will definitely find their relatives. As is customary… pic.twitter.com/pwEzvzAIBC
— Anton Gerashchenko (@Gerashchenko_en) January 2, 2024
„Како што е обичај од памтивек, ако некој направи грешка и криминалецот не може да се најде, нивниот брат, нивниот татко ќе бидат убиени“, рекол чеченскиот лидер, пренесуваат неколку локални медиуми.
„Така нашата крвна одмазда многу брзо ќе се исплати. Во спротивно, човек некого убива и живее неказнет, а неговите роднини почнуваат да се одрекуваат од него“, додаде Кадиров. „Ниту едно откажување од роднините не е ефективно додека не убиеме еден од нивното семејство и не го земеме правото на крвна одмазда“.
Кон крајот на октомври 2023 година, Кадиров исто така рече дека на насилниците треба да им се пука во чело за да се спречат немири. Тој го кажа ова во видеото на неговиот Телеграм канал како одговор на антисемитските немири што избија на 29 октомври во руската република Дагестан, која граничи со Чеченија на запад.
„Во спротивно, испукајте три предупредувачки истрели во воздух, а ако лицето потоа не го почитува законот, испукајте го четвртиот куршум во чело“, навел Рамзан Кадиров, пренесува руската државна новинска агенција РИА Новости.
„Никој друг нема да излезе [на протест]. Ова е моја наредба“, додал тој.