На бреговите на Калифорнија се појавија првите бранови од цунамито предизвикано од силниот земјотрес со магнитуда од 8,8 степени што го погоди рускиот полуостров Камчатка. Првите бранови се забележани во Кресент Сити, во северна Калифорнија, на границата со сојузната држава Орегон. Претходно во Русија, градот Северо-Курилск беше речиси потопен од силното цунами, што на некои места на рускиот пацифички брег достигнувало до 4 метри.
📽Водата „проголтува“ сè пред себе – Страшно цунами ја зафати Русија
Според националната метеоролошка служба на САД, во северна Калифорнија забележан е бран од 30 сантиметри, а наскоро се очекуваат и нови бранови.
Претходно цунамито допре до Хаваи, кои се илјадници километри од Кресент Сити. На архипелагот во срцето на Тихиот Океан беа забележани бранови од 1,74 метри – во Кахулуија на островот Мауи.
Според гувернерот на Хаваи, во оваа американска сојузна држава, засега нема преголеми последици од цунамито.
Во меѓувреме, Кина веќе ги повлече тревогите за цунами во градовите Шангај и Жеиџанг. Предупредувањето за цунами на Тајван уште е на сила.
Во пристаништето Куџи на североистокот на Јапонија е забележан цунами-бран од 1,3 метри.
Со магнитуда од 8,8 степени, земјотресот што се се случи во 11.25 часот по локално време на Камчатка, е еден од најсилните воопшто на Земјината топка.
По првиот силен земјотрес имало уште десетина последователни, но со многу помала магнутуда. Првиот удар се случил за време на една операција, но за среќа хирурзите и остатокот од медицинскиот тим ја зачувале присебноста.
Doctors in Kamchatka kept calm during the powerful quake — and never stopped the surgery.
The patient is doing well, according to the Health Ministry#China #Tsunami #Earthquake #Russia #Hawaii #Japan #Sismo #Temblor #Tsunamiwarning #揺れ #地震 pic.twitter.com/fWiVKfxNbt
— Chaudhary Parvez (@ChaudharyParvez) July 30, 2025
Инаку, првото цунами удрило во Северо-Курилск, кој е крајбрежен град.
„Жителите на населеното место се наоѓаат на безбедни возвишенија и ќе останат таму сè додека целосно не биде укината заканата од нови бранови“, се вели во објавата на гувернерот Валериј Лимаренко.
Dramatic footage captures the moment a tsunami reached Kamchatka, Russia, following the powerful M8.8 offshore earthquake on July 30. pic.twitter.com/rIBkFNGKQo
— Weather Monitor (@WeatherMonitors) August 3, 2025
Според податоците на Министерството за вонредни состојби на Русија, поради невремето биле поплавени самиот град и фабриката за преработка на риба „Алаид“.
Според американскиот сеизмолошки институт, земјотресот имал хипоцентар на 19,3 километри длабочина, а епицентарот бил на околу 125 километри од Петропавловск, град со 165.000 жители кој се наоѓа во заливот Авача.
Инаку, крајниот североисток на Русија е подрачје со силна сеизмичка активност, каде само во последниве две децении имаше неколку ерупции на вулкани и голем број земјотреси. Денешниот, сепак, е најверојатно најсилниот од кога се вршат официјални мерења и се води хронологија.