Во понеделникот Кремљ ја обвини Украина за напад на гасниот терминал во пристаништето Уст-Луги, недалеку од Санкт Петербург, на рускиот брег на Балтичкото Море, на околу 900 километри од украинската граница.
„Режимот на Киев продолжува да го покажува своето ѕверско лице гаѓајќи ја цивилната инфраструктура“, изјави за новинарите портпаролот на Кремљ, Дмитриј Песков, одговарајќи на прашање за големиот пожар кој во неделата избувна во терминалот за гас со кој управува „Новатек“.
„Новатек“ соопшти дека пожарот го предизвикал „надворешен фактор“, без да навлегува во детали.
Port at Ust Luga, 120km west of St. Petersburg, Russia, attacked by drones early on Jan. 21. The port of Ust-Luga in the Leningrad region was attacked by drones
Fire broke out at the Novatek terminal. Media report 2 UAVs attacked a gas storage facility in the port at 0320. pic.twitter.com/TVh24IGeBi
— Euan MacDonald (@Euan_MacDonald) January 21, 2024
„Руското министерство за одбрана, системите за противвоздушна одбрана… прават се што е потребно за да спречат вакви терористички напади“, рече Песков.
Тој исто така ја обвини Украина за гранатирање на Доњецк, град во источна Украина под руска контрола, во кој во неделата загинаа 27 луѓе.
Според локалните власти, погоден бил пазар полн со луѓе.