Во голем напад со дронови (беспилотни летала), ноќеска Украина ја нападна Ростовска област во Русија, при што нанесе големи штети на железничката станица во градот Салск, каде изби пожар, соопштија руски официјални претставници.
На социјалните мрежи се појавија видеоснимки на коишто се гледа пожар на станицата. В.Д. гувернерот на Ростовска област, Јуриј Слусар, потврди на Телеграм дека на железничката станица избил пожар, но вели дека немало жртви.
Руската државна компанија „Руски железници“ извести за оштетување на контактни надземни водови, но целосните димензии на штетите се уште непознати.
Russian train stations continue exploding.
Salsk, Rostov region. pic.twitter.com/7HcAArN920
— Jay in Kyiv (@JayinKyiv) July 29, 2025
Освен железничката станица, украинските дронови наводно погодиле и станбени објекти и возила во градот Салск, кој е на околу 200 километри од украинската Донецка област окупирана од Русија. Гувернерот Слусар тврди дека во еден од нападите на автомобили загинал возач.
Уште еден пожар е забележан во селото Орловски во Ростовската област, каде што дрон наводно погодил трафостаница што ја напојува со струја железничката инфраструктура.
Rostov region, Russia ❗
🛸🧚♂️💥 In Salsk, there have already been 7 powerful explosions. According to local media, after a so-called ‘drone crash’, a fuel tanker caught fire. One of the attacked sites is located near the railway tracks. pic.twitter.com/SJot3KaXBO— LX (@LXSummer1) July 29, 2025
Руското министерство за одбрана соопшти дека во текот на ноќта се соборени вкупно 74 украински беспилотни летала над различни региони на Русија.
Ростовската област е сместена крај Азовското Море и на границата со Украина. Има клучна улога во снабдувањето на руските сили на фронтот.
Складови за нафтени деривати, железничка инфраструктура и складишта на муниција во Русија и на окупираните подрачја стануваат сѐ почесто мета на украински далекудострелни напади со дронови.