Обвинителството за организиран криминал истражува дали поранешниот генерален секретар на Владата, Кирил Божиновски и екс-заменикот за економија Христијан Деловски ја злоупотребиле функцијата со тоа што исплатиле поголем износ на буџетски пари за склучени авторски договори, за интелектуални услуги кои никогаш не биле завршени. Како што дознава 1ТВ, поранешните високи функционери од владата на експремиерот Никола Груевски во неколку наврати исплатиле по дваесетина илјади евра за изработување на студија на сметката на познат адвокат,која никогаш не била изработена и не бил доставен никаков извештај.

Случајот е во предкривична постапка, а го иницираше новата владина гарнитура по промената на власта, поточно новиот генерален секретар на Владата, Драги Рашковски,која поднесе кривична пријава до МВР./Либертас