Кога станува збор за управувањето со парите, многу е веројатно дека сте слушнале многу совети во текот на вашата кариера: „Трошете помалку отколку што заработувате“, „Започнете да штедите рано за пензија.“, „Држете се до буџетот“. само некои од веќе утврдените мислења за менаџмент на финансиите.
Но, има и многу заблуди, а Си -Ен -Ен претстави четири такви што треба да се избегнат,.
Секој долг е лош
Долгот е товар, и често ни велат дека треба да се избегнува по секоја цена.
Но, постои такво нешто како „добар долг“ – долг кој има ниска каматна стапка и може да помогне да се создадат средства или дури и богатство со текот на времето, или да се искористи за инвестирање за подобрување на бизнисот.
Идејата зад добриот долг е дека ќе донесе идна вредност што во одреден момент ќе генерира нови приходи.
Но, „лош долг“ се кредитни картички со високи каматни стапки што можат да ве доведат до сериозни финансиски проблеми.
– Долгот со кредитни картички е една од најопасните работи, многу полоша од лоша инвестиција – вели Мајкл Ресник, овластен финансиски планер и виш советник за управување со богатството во GCG Financial.
Долгот игра улога во одредувањето на вашиот кредитен рејтинг, кој заемодавачите го користат за да го проценат вашиот кредитен ризик и какви каматни стапки ќе ви бидат наплатени. Колку е подобар кредитниот резултат, толку се подобри условите, што ви заштедува пари на камата.
Изнајмување стан е губење пари
Купувањето дом може да ви помогне да изградите богатство бидејќи постои надеж дека капиталот ќе се гради со текот на времето. Но, не може секогаш да има финансиска смисла да станете сопственик на куќа.
– Купувањето дом може да биде одлична инвестиција на долг рок, но не е нужно погодно за секого – вели Трина Пател, менаџер на финансискиот совет во апликацијата за управување со пари Albert.
Процесот на купување дом доаѓа со многу однапред определени трошоци, вклучително и аванси и трошоци за заем, како и трошоци за хипотека, како што се разни такси, даноци на имот, осигурување и какви било поправки.
За луѓето кои планираат да живеат во одредена област само неколку години, изнајмувањето може да има повеќе финансиска смисла.
– Зошто ризикувате да изгубите пари на краток рок, а да не зборуваме за трошоците за купопродажната трансакција? – предупредува Ресник.
Ќе трошите помалку пари во пензија
Дали ги знаете сите оние работи што постојано ги додавате на вашата листа со „работи што ќе ги правам кога ќе се пензионирам“? Сето тоа ќе чини.
Како општо правило, треба да имате околу 80% од вашата годишна плата пред пензија. Идејата е дека повеќе нема да треба да штедите, вашата хипотека ќе ви се исплати или ќе трошите помалку ако не работите секој ден, или така мислат повеќето луѓе.
Но, за некои, нивниот начин на живот во пензија може да биде поскап од долгогодишната работа.
„Имаме неколку клиенти кои трошат повеќе пари во пензија затоа што конечно имаат време да патуваат или сакаат да купат дом или сакаат да им помогнат на внуците да ги финансираат студиите“, рече Чад Чејс, директор за услуги за клиенти во Garrett Investment Advisors.
Непристојно е да се зборува за пари
Многу луѓе сметаат дека зборувањето за пари е табу тема.
Но, искрено зборувајќи за пари со, да речеме, партнерот, може да ви помогне да одредите трошење и да спречите непотребни трошоци.
– А ако имате деца, научете ги како да управуваат со парите што е можно поскоро – рече Пател.
Разговорот за пари помеѓу соработниците и вашите пријатели исто така може да биде корисен.
Зборувајќи за совети за лични финансии и штедење меѓу пријателите може да помогне процесот на штедење и рационализација на трошоците да изгледа помалку застрашувачки и да посочи трикови што ќе им помогнат на сите да ги зајакнат своите финансиски основи.
– Можеме многу да научиме еден од друг кога ќе почнеме да зборуваме за пари. Кога го чувате сето тоа за себе, не знаете какви опции ви стојат на располагање – заклучи Пател.