И жените изневеруваат. Иако мажите почесто се одлучуваат да сторат нешто такво, бројот на жени кои го мамат својот партне не е занемарлив.
Љубовниот советник Рене Ли направил студија и дошол до петте најчести причини зошто припадничките на понежниот пол паѓаат во мрежата на прељуба.
Промена
Промените, најчесто негативните, предизвикуваат разни емоции и ги тераат луѓето да се прашуваат каде се и како ќе продолжат понатаму. Тие оставаат видливи траги врз жените, а нивните партнери понекогаш немаат разбирање за нив, бидејќи тој е преокупиран со своите проблеми. Од таа причина, постои желба за некој што ќе ги насочи кон нешто поразлично и попозитивно.
Недостаток на внимание
Многу жени во долги врски, по одреден период, не се чувствуваат доволно пожелно. Токму тоа се случува поради недостаток на пофалби и внимание од партнерот. Комплиментите и јасните знаци дека се забележани се многу важни за жените. И, ако тоа не е случај дома, депресијата и фрустрацијата „ќе се лечат“ на друга адреса.
Чувство дека е готово
Ова чувство создава голема празнина што жената ја ублажува поминувајќи време со некој друг. Честопати се случува намерно да се искушат на тој начин затоа што сакаат да знаат што чувствуваат и колку всушност се грижат за својот партнер.
Нема повеќе забава
Ако смеењето стане фактор што недостасува во врската, жената ќе ја бара меѓу другите луѓе, на кои не им недостасува насмевка. Ова можат да бидат колеги, пријатели, но многу често и други мажи.
Досада во кревет
Мажите не се единствените кои сакаат новини во спалната соба. Жените исто така копнеат по сексуални промени затоа што им е важно да се чувствуваат посакувано. Жените често знаат да го споредат својот сексуален живот со филмски хитови како што се „Педесет нијанси сиво“ или со еротски сцени во филмовите, по што создаваат верување дека може да биде многу подобро и многу подиво отколку што е во нивниот кревет. Затоа тие бараат причини за возбуда на друго место.