Исхраната и вежбањето одат заедно. Она што го јадеме пред и за време на вежбањето има значително влијание врз нашето тело и како се чувствуваме за време на тренингот, пренесе Стандард лајф.
Еве пет совети поврзани со диетата и вежбањето:
1. Јадете здрав појадок
Ако тренираме наутро, појадокот треба да го завршиме најмалку еден час пред тренинг. Доколку планираме да вежбаме во рок од еден час по појадокот, се препорачува лесен оброк или спортски пијалок.
Важно е да се фокусирате на јаглехидратите за најмногу енергија. Добрите избори за појадок вклучуваат цели зрна, млеко со малку маснотии, банани и јогурт.
2. Внимавајте на големината на порцијата
Огромните оброци треба да се јадат најмалку три до четири часа пред вежбање. Малите оброци или закуски треба да се завршат еден до три часа пред вежбање.
Ако јадеме премногу пред вежбање, може да се чувствуваме тромо, а ако јадеме премалку, нема да имаме доволно енергија за време на вежбањето.
3. Ужинајте паметно
Грицките што ги јадеме непосредно пред вежбањето веројатно нема да ни дадат дополнителна енергија доколку вежбањето трае помалку од 60 минути. Сепак, тие можат да не спречат да се чувствуваме гладни, пишуваат од клиниката Мајо.
Добриот избор на закуски вклучува енергетска плочка, банана, јаболка, јогурт, овошно смути, крекери од цели зрна, сендвич со путер од кикирики и спортски пијалок. Здравата ужина е особено важна ако планираме да вежбаме неколку часа по оброкот.
4. Јадете после вежбање
Се препорачува да се јаде оброк кој содржи и јаглени хидрати и протеини во рок од два часа по тренингот, ако е можно. Исхраната после тренинг може да им помогне на мускулите да се опорават и да ги надополнат резервите на гликоген.
Добрите избори на храна после тренинг вклучуваат јогурт и овошје, сендвич со путер од кикирики, чоколадно млеко со малку маснотии и ѓевреци, смути и мисирка на леб од цели зрна со зеленчук.
5. Пијте доволно течности
За да спречиме дехидрација, мора да имаме доволно течности пред, за време и после вежбање. Водата е генерално најдобриот начин за замена на изгубените течности, но доколку вежбаме подолго од 60 минути, добра опција е и спортскиот пијалок. Спортските пијалоци можат да помогнат во одржувањето на балансот на електролити во нашето тело и да ни дадат малку повеќе енергија бидејќи содржат јаглехидрати.
Примената на овие пет едноставни совети може значително да ги подобри нашите фитнес резултати. Комбинацијата на правилна исхрана и редовно вежбање е клучна за постигнување на посакуваните резултати.