Министерот за надворешни работи на Србија, Ивица Дачиќ, вели дека е очигледно дека црногорската влада избрала да види вознемирувачки фактор во српскиот народ и затоа постојано измислува дека Србија се меша во внатрешните работи на Црна Гора и има нешто против нејзиниот независен пат.
Дачиќ смета дека Србија е многу воздржана и се обидела да не ја влошува ситуацијата со Црна Гора, но дека земјата реагирала крајно агресивно, обвинувајќи за наводно мешање во нејзините внатрешни работи.
Тој потсети дека се плаши од братоубиствена војна, која, како што вели, немало никогаш меѓу Србите и Црногорците.
Дачиќ рече дека што се однесува до Србија, тоа е историски факт дека не само што никогаш не сме биле во војна едни со други, туку немало конфликти и дека целата наша историја и литература зборуваат за тоа.
Тој рече дека Србија не може да молчи и да не се грижи за проблемите на српскиот народ и дека нема ништо против секој што ќе го избере својот пат.
„Единствено што нè интересира за овој проблем е прашањето за позицијата на српскиот народ и Српската православна црква. Српскиот народ таму не е национално малцинство, тие се повеќе од 28 проценти“, рече Дачиќ и изјави дека и покрај толку голем процент на Срби во вкупното население на Црна Гора, тие не се во државните органи, ниту меѓу министрите и амбасадорите.
Тој напомена дека денес во современиот свет, без разлика дали некој сака или не, прашањето за човековите права, па дури и правата на народите и верските заедници, не е повеќе внатрешно прашање, туку универзално прашање што ги интересира сите.