Словенија објави нов список на „епидемиолошки безбедни“ земји, во кои досега спаѓаа само Хрватска, Унгарија и Австрија, така што од понеделник граѓаните на уште 14 земји членки на ЕУ и Заедничката европска економска зона ќе можат да влезат во земјата без карантин.
Од понеделник, граѓаните и жителите од Германија, Грција, Швајцарија, Бугарија, Кипар, Чешка, Естонија, Финска, Исланд, Латвија, Литванија, Лихтенштајн, Норвешка и Словачка можат да влезат во Словенија без претходно задолжителен 14-дневно карантин.
Одлуката на Владата е донесена врз основа на набљудувањето на епидемиолошката состојба во земјите членки на ЕУ и земјите од регионот, при што словенечките епидемиолози предупредуваат за критично зголемување на новите дневни инфекции во Северна Македонија, но и влошување во Србија и Босна и Херцеговина, пренесе Журнал24.си.
„Словенечката граница треба да биде регулирана така што сите кои доаѓаат од Северна Македонија, вклучително и словенечки државјани, мора да бидат во 14-дневен карантин“, рече словенечкиот министер за внатрешни работи Алес Хојс во неделата, додавајќи дека ситуацијата во Северна Македонија е на работ на голема епидемија, пренесува порталот.
Словенечкиот министер не ја исклучи можноста повторно да се затворат границите, вклучително и оние со Хрватска, каде епидемиолошката слика е слична на онаа во Словенија, доколку се влоши епидемиолошката слика.