Некогаш најдобриот боксер во светот, Мајк Тајсон „му сврте грб“ на неговиот пријател Доналд Трамп за да се приклучи на протестите за правата на Афроамериканците.
Овие протести се одвиваат низ САД со денови по смртта на Џорџ Флојд, кога белиот полицаец Дерек Шовин го уби во Минеаполис на крајот на мај со притискање на вратот повеќе од осум минути.
Бројни спортисти излегоа по овој инцидент, а Тајсон досега молчеше, но сега испрати многу јасна поддршка со објавување фотографија на која клекнува.
Пред четири години, ова беше симбол на отпорот на Колин Кејперник од Сан Франциско Фортинајнерс на четвртфиналето во НФЛ, кој дури тогаш рече дека нема да застане исправено додека се пее американската химна, заради расизмот што владее во американското општество.
Кејперник брзо ја загуби работата и клубот, а дури сега многумина се враќаат на она што тој го посочи и го поддржуваат.
Овој потег на Тајсон изненади ако се знае дека е пријател со Доналд Трамп, претседателот на Соединетите држави, кој во неколку наврати се закануваше дека ќе ги изведе вооружените сили на улиците.
Тој го познава Тајсон повеќе од 30 години, а Мајк дури го поддржуваше за време на неговата кандидатура за претседателската функција пред четири години.
Покрај тоа, тие дури соработуваа затоа што Трамп беше финансиски советник на Тајсон во осумдесеттите години, односно еден од нив. Американскиот претседател неодамна одговори на видеото на „Железниот Мајк“, во кое може да се види како удира со неверојатна брзина.
„Продолжи да удираш, Мајк“, напиша тогаш Трамп и прашање е колку ќе му се допадне овој нов „удар“.
https://www.instagram.com/p/CBLpgL0F8kf/?utm_source=ig_web_copy_link