Српскиот епидемиологот Татјана Пекмезовиќ рече дека одѕивот на испитаниците за тестот за колективен имунитет во Србија на вирусот корона е помал од очекуваното, но додаде дека професијата има разбирање за тоа.
„Ваквите студии не се вообичаени кај нашето население. Некои граѓани се исплашени кога лекарот ќе ги повика, други не мислат дека е важно. Нема причина за страв, затоа што безбедноста на испитаниците не се нарушува на кој било начин”, рече Пекмезовиќ за Данас.
Според неа, студијата е одобрена од три комисии за етика и е загарантирана приватноста на испитаниците.
Таа најави дека првите прелиминарни резултати од студијата за колективен имунитет во Србија на корона вирусот наскоро ќе бидат објавени во јавноста, затоа што во протоколот се предвидува податоците да бидат јавно презентирани по добивањето на резултатите за првите 1.000 испитаници.
„Тимот кој стои зад студијата е близу до тој број“, рече Пекмезовиќ.
Тестирањето за антитела, што покажува дека некое лице се заразило со вирусот корона, започнало во Србија на почетокот на мај, а се планира да опфати 7.000 семејства, односно 17.000 лица кои се поканети на тестирање.