Претседателот на Демократската лига на Косово (ЛДК), Иса Мустафа, рече дека процесот на дијалог со Србија може да се заврши во есен, пред претседателските избори во ноември во САД.
„Ако тоа е случај, тогаш агендата ќе биде во овој временски рок. Мирослав Лајчак, со кого разговаравме вчера, беше убеден дека ова е работа што треба да се заврши до крајот на годината, без никакви ветувања. Убеден сум дека може тоа да се постигне“, изјави Мустафа за КТВ, пренесува Бета.
Тој оцени дека е важно да се постигне договор со Србија пред изборот на новиот претседател на Косово.
„Коалицијата може да го издржи мандатот, но соочувањето е исто така поврзано со решавање на прашањето за претседателот. Доколку претседателот не биде избран, тие ќе излезат на гласање и тоа ќе биде комплицирано затоа што тогаш влегуваме во парламентарните избори и по 5-6 месеци имаме локални избори, што не му одговара многу на Косово“, рече лидерот на ЛДК.
Тој додаде дека дијалогот со Србија ќе биде завршен наскоро ако – како што оцени – постои заложба од Вашингтон и соработка меѓу Соединетите држави и Европската унија за завршување на процесот.