Средбата меѓу Александар Вучиќ и Хашим Тачи во Вашингтон е договорена зад грбот на ЕУ, пишува „Њујорк Тајмс“ и истакнува дека САД се оддалечуваат од своите сојузници во Брисел.
Во обемна анализа за тековниот статус на дијалогот и ангажманот на САД во процесот, улогата на Ричард Гренел во преговорите меѓу двете страни, „Њујорк Тајмс“ шпекулира, меѓу другото, дека српскиот претседател Александар Вучиќ и косовскиот претседател Хашим Тачи постигнале таен договор за идниот договор, вклучително и идејата за промена на границите на Косово, цитирајќи ги зборовите на „четворица поранешни американски официјални претставници, кои цитираа луѓе вклучени во преговорите“.
Весникот исто така наведува дека приврзаниците на пристапот на Гренел за преговорите меѓу Белград и Приштина сметаат дека тајниот договор меѓу Тачи и Вучиќ ја оправдува новата американска стратегија, наведува њујоршкиот весник.
„Иако нивните функции се само номинални, двајцата претседатели имаат влијание што далеку ги надминуваат нивните уставни овластувања“, пишува „Њујорк Тајмс“.
Оние кои ги поддржуваат идеите на Гренел велат дека немало никакви преговори пред тој да влезе во дијалогот, додека критичарите изразуваат загриженост дека средбата во Белата куќа е награда за луѓето кои се критикуваат во нивните земји за кршење на демократијата.
„Њујорк Тајмс“, сепак, посветува посебно внимание на фактот дека досега сите американски администрации, без разлика дали се демократи или републиканци, беа гаранти на безбедноста во Косово, во соработка со Европејците, додека под администрацијата на Трамп, соработката со европските партнери исчезна и состанокот закажан за следната недела е без консултација со ЕУ“.
Весникот забележува и промена на политиката кон Србија и Косово, „во корист“ на Србија.
Во таа смисла, тој цитира неколку политички експерти кои велат дека треба да се потсети „кој е вистинскиот клиент на САД“.
„Заборавивме кој е нашиот клиент. Тоа не е Србија, туку Косово, земја чие формирање го помогнавме, служевме и заштитивме“, вели Дејвид Л. Филипс, балкански советник и советник на Стејт департментот за време на војната во Косово.
Според „Њујорк Тајмс“, Соединетите американски држави вршат притисок врз Приштина, а не врз Белград, нагласувајќи го барањето за укинување на давачките и заканата дека Косово ќе биде лишено од американска помош.
Во март, се потсетува, САД замрзнаа 50 милиони долари помош за Косово, истата недела беше предложено да се повлечат американските трупи од Косово, а тие интервенции поттикнаа тензии меѓу претседателот Хашим Тачи и поранешниот премиер Албин Курти.