Во БиХ е регистриран рекорден број заразени со коронавирус во последните 24 часа од почетокот на пандемијата, пренесува „Аваз“.
Според официјалните податоци, вкупно 119 лица се тестирале позитивно за „Ковид-19“, од кои 62 во Република Српска и 57 во Федерацијата на БиХ.
Според Федералниот институт за јавно здравје, во изминатите 24 часа се регистрирани нови случаи во Тузла (29), Зеница-Добој (3), Централна Босна (4), Херцеговина-Неретва (5) и Сараево Кантон (16).
Досега се тестирани 50.815 примероци во ФБиХ, а Ковид-19 е потврден кај 1.732 лица. До денес, 1.012 пациенти се опоравиле во Федерацијата на БиХ, додека 671 случаи во моментов се активни.
– Клучно е сите да се придржуваме кон мерките, да се посветиме на спроведување на лична заштита и работодавачите да се придржуваат кон превентивни мерки на работното место со цел да се спречи ширењето на вирусот и да се зголеми бројот на пациенти – предупреди Федералниот кризен штаб.
Тие потсетија на основните мерки за превенција – оддалеченост и избегнување ракување и гушкање, често и темелно миење на рацете, одржување на лична хигиена и хигиена на просторот и избегнување на големи собири.
Во Република Српска, во последните 24 часа биле тестирани 375 примероци, а коронавирусот е потврден кај 62 лица.