Таксист влета во полицијата во Белград, сакал да го пробие кордонот

Нешто по 11 часот, кога немирите во Белград во голема мерка веќе се намалија, таксист со своето возило влета во полицискиот кордон.

Тој се обидел да го пробие полицискиот кордон и да ја премине улицата.

Полицијата го извлече таксистот од возилото и го уапси.

Како што се гледа на снимките од телевизијата Н1, еден полицаец остана на земја со нозете испружени по инцидентот. Се чини дека една нога му е повредена, но не е јасно дали тој е повреден во такси-несреќа, при приведување на таксистот или дали станува збор за претходна повреда.