Француската полиција уапси маж кој е наведен како еден од најбараните и најопасните педофили во таа земја, но и во цела Европа.
Човекот, стар околу 40 години, е познат како „главен човек“ кој стои зад најголемите даркнет педофилски интернет-сајтови.
Тој беше уапсен на 7 јули во Бордо, а исто така е обвинет за силување малолетничка и сексуално злоставување на 15-годишно дете.
– Осомничениот е еден од 10-те најбарани сексуални престапници. Им овозможи на илјадници луѓе ширум светот да имаат пристап до најжестоките содржини, фотографии и снимки од сексуална злоупотреба на деца – соопшти француското обвинителство.
Исто така, се сомнева дека тој организирал и учествувал во снимањето на порнографски филмови со деца.
Уапсен е благодарение на соработката на француската полиција и Европол.
Според неофицијални информации, уапсениот признал сè за што е обвинет.