Србија е сериозно посветена на патот кон ЕУ, истакна министерката за евроинтеграции Јадранка Јоксимовиќ денес и рече дека Србија не фингира посветеност на процесот на европска интеграција или заложба за полноправно членство, а особено не лажни реформи во контекст на пристапниот процес.
„Напротив, ние сме сериозни, посветени и особено еластични на тој пат, имајќи предвид колку е непопуларна политиката на проширување меѓу некои земји-членки во последните три или четири години, не конкретно заради Србија, туку заради целосно променетата структура на предизвици и проблеми на глобалната сцена, но и во ЕУ “, рече Јоксимовиќ.
Таа изјави дека претседателот Александар Вучиќ неодамна добил многу позитивни сигнали од најважните луѓе на Европската комисија во Брисел за иднината на Србија во ЕУ, се разбира со очекување дека Србија ќе ги забрза реформите во одредени сегменти, за кои вели дека српската влада разбира и за кои се обврзала пред граѓаните на Србија.