Специјалниот претставник на Европската унија (ЕУ) за дијалогот меѓу Белград и Приштина, Мирослав Лајчак, разговараше денес во Брисел со шефот на Бирото за Стејт департмент за Европа и Евроазија, Филип Рикер, за соработката ЕУ-САД во процесот на дијалог Белград-Приштина.
Лајчак напиша на Твитер со фотографија со Рикер дека разговарал со американскиот официјален претставник за настаните на Западен Балкан и соработката во дијалогот меѓу Белград и Приштина.
„Завршувајќи ја оваа недела, се сретнав со официјалниот претставник на Стејт департментот, Фил Рикер. Разговаравме за настаните во Западен Балкан и за блиската соработка меѓу САД и ЕУ во дијалогот меѓу Белград и Приштина“, изјави Лајчак на Твитер.
Најавувајќи ја средбата со Лајчак синоќа, Рикер изјави дека Соединетите држави ќе продолжат да го поддржуваат и да бидат вклучени во процесот што преку ЕУ го водат Косово и Србија во Брисел.
Американскиот официјален претставник денеска се сретна и со координаторот на Косово за дијалог со Србија, Скендер Хисени, изјави Хисени на Фејсбук.
Лајчак вчера се состана одделно во Брисел со делегациите на Србија и на Косово, по што следуваше и заедничка средба.
На 16-ти јули во Брисел беше договорена средба на експертско ниво на првата средба помеѓу српскиот претседател Александар Вучиќ и косовскиот премиер Авдулах Хоти, која го обнови дијалогот со посредство на ЕУ по 20 месеци.
Тогаш беше објавено дека дијалогот на високо ниво ќе продолжи на почетокот на септември.