Рускиот опозиционер Алексеј Навални бил префрлен од болницата во Омск на клиника во Берлин, а според германските медиуми, неговата состојба и понатаму е стабилна, по летот од Русија.
Неколку амбулантни возила придружени од полицијата пристигнале пред клиниката „Шарит“ околу 10.30 часот по локално време, по што Навални бил однесен во болницата на носилки.
https://twitter.com/rs_sputnik/status/1297123128716468224?ref_src=twsrc%5Etfw%7Ctwcamp%5Etweetembed%7Ctwterm%5E1297123128716468224%7Ctwgr%5E&ref_url=https%3A%2F%2Frs-lat.sputniknews.com%2Frusija%2F202008221123249768-avion-sa-navaljnim-poleteo-iz-omska-za-berlin%2F
Германските медиуми наведуваат дека здравствената состојба на Навални е стабилна, а како што е најавено, членовите на неговото семејство ќе се обратат до јавноста за дополнителни информации откако ќе заврши испитувањето.
https://twitter.com/rs_sputnik/status/1297120954267643904?ref_src=twsrc%5Etfw%7Ctwcamp%5Etweetembed%7Ctwterm%5E1297120954267643904%7Ctwgr%5E&ref_url=https%3A%2F%2Frs-lat.sputniknews.com%2Frusija%2F202008221123249768-avion-sa-navaljnim-poleteo-iz-omska-za-berlin%2F
Како што беше најавено, непосредно пред полетувањето, тим на лекари го пренеле Навални од болницата на аеродромот во Омск, во придружба на полицијата, а вчера во болницата за реанимација во Омск, лекарите дале зелено светло за тој да биде пренесен на лекување во странство.
Одлуката е донесена откако сопругата на Навални побарала од рускиот претседател Владимир Путин да го одобри неговиот трансфер на клиника во Германија.