Белоруските медиуми објавија видео во кое се прикажува моментот кога е пресретна сондата од осум балони со антидржавни симболи, која најверојатно била пуштена од територијата на Литванија.
По тој повод активирани биле хеликоптерите Ми-24 на вооружените сили на Белорусија за запирање на балоните.
Видео снимено од хеликоптер покажува дека авионите се приближуваат кон балони, за кои било прикачено црвено-бело знаме, кое го користи белоруската опозиција. Снимката потоа е прекината.
Авторите на видеото ги наведуваат и координатите што потврдуваат дека инцидентот се случил во белорускиот воздушен простор.
Според порталот „Воено-политички преглед“, по пресретнувањето, балоните биле расфрлани над селото Лужи.
Официјален Вилнус верува дека воздушниот простор на Литванија бил нарушен во таа пригода, и поради тоа протестна нота му била предадена на белорускиот амбасадор.
Вршителот на должноста заменик командант на воздухопловните сили на Републиката, Олег Орлов, одговорил со изјавата дека белоруските хеликоптери не го нарушуваат литванскиот воздушен простор.
Според него, иако балоните изгледале безопасно, сè би можело да се скрие во нив.
Министерството за надворешни работи на Белорусија го опиша инцидентот како „провокација“ и му врачи протестна нота на амбасадорот на Литванија.