Намерното труење на рускиот опозициски лидер Алексеј Навални не е од корист за руското раководство, се наведува во соопштението на Министерството за надворешни работи на Русија, објавено по средбата на руските дипломати со првиот заменик државен секретар на САД, Стивен Биган.
„Американскиот соговорник бил привлечен од сомнителното брзање со кои во Вашингтон и Брисел ја прифатиле верзијата за намерно труење на Навални. Неизбежно, се поставува прашањето: Кој има корист од ова? Сигурно не руското раководство“, соопштиле од Министерството.
Исто така се наведува дека Русија се залага за најдетална и објективна истрага за настаните со Навални и исто така ги смета за недопустливи неоснованите обвиненија против неа.
„Однапред дефинирајќи го настанот како „инциден“, американската страна истакна дека„ во случај да се потврди верзијата за труење на Навални, Вашингтон ќе преземе мерки со кои ќе ја засени реакцијата на американското општество на руското мешање на претседателските избори во САД во 2016 година. „Привлекувајќи го вниманието на соговорникот кон неприфатливоста на неосновани обвинувања, посочивме дека руското раководство е посветено на најдетална и максимално објективна истрага на настаните“, се вели во изјавата од руската страна.
Русија „повторила дека е подготвена отворено, објективно и со реално утврдени факти да го разгледа не само овој конкретен случај, туку и другите случаи на Александар Литвиненко и Сергеј Скрипал, за кои редовно потсетуваат западните медиуми“.
Исто така, било најавено дека руската страна смета на германските лекари да покажат професионализам и да не дозволуваат резултатите од анализата да се користат во политизирани цели.
„Потсетуваме дека целосните податоци за историјата на заболувањето на Навални биле предадени на германскиот тим на лекари, кои пристигнале во Омск заради транспортот на Навални до берлинската клиника „Черите“. Сметаме дека германските лекари ќе го покажат истиот професионален пристап и нема да дозволат резултатите од нивните лабораториски анализи да се користат за какви било политизирани цели“, се вели во соопштението.
Денес, Биган се состанал во Москва со рускиот министер за надворешни работи Сергеј Лавров и неговите заменици Сергеј Рјабков и Игор Моргулов.