164
Специјалниот советник за безбедност на претседателот на САД, Роберт О’Брајан, се огласи вечерва по средбата со претседателот на Србија, Александар Вучиќ и премиерот на Косово, Авдулах Хоти, во Белата куќа.
Тој оцени дека зад нив е многу добра рунда разговори и најави нивно продолжување утре.
– Многу добра рунда разговори попладнево со лидерите на Србија и Косово. Денес тие навистина напредуваа. Економијата и нормализацијата значат работни места за младите. Разговорите ќе продолжат утре – напиша О’Брајан на својот профил на Твитер.
Заедно со О’Брајан, на состанокот присуствуваше и специјалниот пратеник на претседателот на САД, Ричард Гренел.