Главниот преговарач на Велика Британија во процесот на излегување на земјата од ЕУ изјавил дека британската влада „не се плаши“ да ги напушти разговорите без трговски договор што ќе стапи на сила во 2021 година.
Дејвид Фрост за „Дејли Меил“ во неделата изјави дека Велика Британија ќе ги напушти преговорите за договорот во декември, според кој таа земја ќе продолжи да следи многу правила на ЕУ.
Тој вели дека претходниот тим на поранешната премиерка Тереза Меј „блефирал“ во преговорите, поради што другата страна сè уште не ја разбира силата на нивната позиција.
Преговарачот од Брисел, Мишел Барние, вели дека е „загрижен и разочаран“ од недостигот на подготвеност на Лондон за отстапки и тоа го изјавил затоа што не успеале да ги надминат спорните прашања во неформалните разговори.
Осмиот круг официјални разговори започнува во вторник.
Двете страни сакаат следниот месец да постигнат договор, за да можат политичарите од обете страни на Ла Манш да го потврдат тоа до крајот на преодниот рок – 31 декември.
Разликите се по прашањето за риболов и износот на пари од буџетот што Велика Британија ќе може да ги издвои за субвенции за економијата – т.н. правила за државна помош.
Лорд Фрост истакнал дека „тие со години се обидувале да ја натераат Европа да ги сфати сериозно и дека тоа што го велат, навистина го мислат“.