Рускиот опозиционер Алексеј Навални излегол од кома и исклучен е од респираторна машина, објави клиниката „Шарите“.
„Состојбата на Алексеј Навални, кој се лекуваше во Шарите од 22 август, е подобрена. Тој дговара на вербални стимули. Прерано е да се проценат потенцијалните долгорочни последици од неговото тешко труење“, велат од клиниката.
1/2 🇬🇧 The condition of Alexei #Navalny has improved. The patient has been removed from his medically induced coma and is being weaned off mechanical ventilation. He is responding to verbal stimuli.
— Charité – Universitätsmedizin Berlin (@ChariteBerlin) September 7, 2020
На Навални му се слоши на 20 август додека леташе од Томск кон Москва. Утрото на 22 август беше пренесен во клиниката „Шарите“ во Берлин. Неговите лекари соопштија дека во неговото тело се пронајдени знаци за труење. Според лекарите, симптомите на труење постепено се намалуваат.
Германската влада вчера соопшти дека германските воени токсиколози откриле оти Навални бил изложен на нервен агенс од групата „новичок“. Берлин ја повика Москва да ги разјасни околностите на инцидентот и вети дека ќе го извести рускиот амбасадор за резултатите од тестовите на Навални.