Главниот експерт за инфективни болести на американската влада Ентони Фаучи изјави денеска дека не се согласува со проценката на претседателот Доналд Трамп дека најлошото е зад нив, велејќи дека статистиката е вознемирувачка.
Фаучи, директор на Националниот институт за алергија и заразни болести, рече дека сезоната на грип во САД започнува со околу 40.000 нови случаи на ден, а бројот на смртни случаи во просек е околу 1.000 на ден.
Трамп, кој призна дека ја намалува сериозноста на вирусот откако се појави на почетокот на оваа претседателска година, во четвртокот рече дека верува оти кризата во САД минува.
„Не се согласувам со тоа, затоа што ако ја погледнете работата што ја спомнавте, статистиката … е вознемирувачка“, рече Фаучи.
Тој рече дека е важно да се намали стапката на инфекција пред есенските и зимските сезони кога луѓето ќе поминуваат повеќе време во затворени простории.
Запрашан за собири на отворено, Фаучи рече дека тие се „апсолутно“ ризични.
„Само затоа што сте на отворено, не значи дека сте заштитени, особено ако сте во толпа и не носите маски“, рече Фаучи.