Американската компанија „Moderna“ штотуку објави дека нивната вакцина против Ковид-19 покажува 95% ефикасност.
Модерна вели дека ова е „одличен ден“ и планира да аплицира за одобрување за употреба на вакцината во следните неколку недели.
Сепак, ова се уште се рани податоци, а клучните прашања остануваат неодговорени, пишува Би-Би-Си.
Во студијата учествувале 30.000 луѓе во САД, а на половина им биле дадени две дози вакцини, со разлика од четири недели. Останатите добиле лажни инјекции.
Анализата се заснова на првите 95 кои развиле симптоми на Ковид-19. Само пет лица со Ковид-19 примиле вакцина, а 90 лажна вакцина. Компанијата вели дека вакцината штити 94,5%.
Податоците исто така покажуваат дека меѓу испитаниците имало 11 од оние со тешка форма на ковид, но никој од луѓето кои примиле вакцина не развиле потешка форма на болеста.
„Целокупната ефикасност е извонредна … ова е одличен ден“, изјави за Би-Би-Си Тал Закс, главен медицински директор во „Moderna“.
Сè уште не знаеме колку трае имунитетот обезбеден од оваа вакцина, затоа што испитаниците треба да се следат подолг период за да имаат одговор на тоа прашање. Исто така, нема податоци за ефикасноста на вакцината кај постари лица, кои се изложени на најголем ризик од смрт од Ковид.
Сепак, Тал Закс за Би-Би-Си изјави дека нивните досегашни податоци сугерираат дека вакцината „не го губи својот ефект“ во однос на возраста на пациентите.
Но, не е познато дали вакцината спречува само развој на потешка форма на Ковид или само спречува лице да зарази други.
Сите овие прашања ќе влијаат на тоа како се користи вакцината против коронавирус.
Краток рок на замор, главоболка и болка се забележани кај некои пациенти по инјекцијата.
„Овие ефекти се она што би го очекувале од вакцината што делува и предизвикува добар имунолошки одговор“, рече професорот Питер Опеншау од Империјал колеџот во Лондон.
„Moderna“ вели дека 20 милиони дози ќе бидат достапни во САД. Компанијата се надева дека следната година ќе има на располагање до милијарда дози за употреба ширум светот, а планира да побара одобрување и во други земји.
Тие развија „РНК вакцина“ – односно дел од генетскиот код на коронавирусот се инјектира во телото. Тогаш телото почнува да произведува вирусни протеини, но не и целиот вирус, што е доволно за да го обучи имунолошкиот систем да напаѓа.
Треба да го обучи телото да прави и антитела и Т-клетки за борба против коронавирусот.