„Од основањето на Република Северна Македонија, нашите билатерални односи се на најниско ниво“. Ова го изјави за БНР поранешниот министер за надворешни работи на Бугарија Ивајло Калфин.
Тој додаде дека за ова може да се суди според остриот и многу ретко среќаван во дипломатските кругови тон, на кој се испишани декларациите на министрите за надворешни работи на двете земји. „Такво нешто не се случило досега“, нагласи Калфин.
Тој го опиша назначувањето на специјалениот пратеник од Скопје како потег во вистинската насока, како и фактот дека Владо Бучковски дошол во Софија на состаноци со владејачката партија, но е категоричен: „Слушајќи ги изјавите на двајцата (министерката за надворешни работи Екатерина Захариева и Владо Бучковски), имам чувство дека зборуваат за различни работи “.
Калфин истакна дека пред да се реши прашањето, потребно е да се дефинира што е проблемот и потоа да се бараат начини за негово решавање, а обете страни не го формулирале јасно.
„Ние велиме дека немаме никакво тврдење за идентитет – како ќе го наречат нивниот јазик во РСМ и нивното право на самоопределување, и тие велат дека тоа е токму наше барање и наш проблем. Кој е во право? Очигледно е дека за да се зборуваат различни работи, треба да постои длабоко недоразбирање за тоа кој што сака. Тоа е проблемот“, рече Калфин.
Според него, и Бугарија и РСМ се лизнале во последниве години „во насока на националистички говори и покажување мускули, што нема никаква врска со односите меѓу добри соседи“.
Според него, ниту Владо Бучковски, ниту никој во Скопје не очекува овој проблем да се реши денес, откако вчера (8-ми декември) Бугарија наметна конечно вето на РСМ.
Калфин препорача позицијата на Бугарија за проширување на ЕУ кон Западен Балкан да биде проактивна, а не да чекаме и да видиме: „Ние мора да понудиме решенија“, рече тој.