Регулаторната агенција за лекови и здравствени производи (МHРА) објави дека постојат два извештаи за анафилаксија и еден за можна алергиска реакција од почетокот на воведувањето на масовна вакцинација против коронавирус во Велика Британија.
Објаснувајќи го претходното предупредување дека оние со историја на алергии не треба да ја примаат вакцината на Фајзер и Бионтек, „MHRA“ вели:
„Секое лице кое има историја на анафилаксија на вакцини, лекови или храна не треба да ја прими вакцината на Фајзер и Бионтек“, соопштила извршната директорка на MHRA, Џун Рејн.
Таа додала дека повеќето луѓе нема да имаат анафилаксија и дека придобивките од заштитата на луѓето од Ковид-19 со помош на вакцината се многу поголеми од потенцијалните ризици.
„Можете да бидете апсолутно сигурни дека оваа вакцина ги исполни високите стандарди на безбедност, квалитет и ефикасност на МHRА“, вели Рејн.
Таа посочила дека ваквите алергиски реакции не биле дел од клиничките испитувања на Фајзер. Сепак, алергиските реакции може да биле предизвикани од компонента на вакцината, полиетилен гликол или PEG, што помага да се стабилизира вакцината, а не се наоѓа во другите видови вакцини.
Патем, анафилаксија е насилна реакција на имунитетниот систем и е опишана во медицината како „сериозна реакција што може да биде опасна по живот“.
„MHRА“ првично советуваше секој со историја на „значителни алергиски реакции“ да не ја прима вакцината. Фајзер и Бајонтек рекоа дека ја поддржуваат истрагата за „MHRA“, која беше прва во светот што одобри вакцини за коронавирус развиени од германски Бајонтек и Фајзер, додека Американската администрација за храна и лекови (FDA) и Европската агенција за лекови (ЕМА) продолжуваат да ги анализираат податоците.