Премиерката Ана Брнабиќ, денес изјави дека Србија ќе ги добие првите вакцини против ковид 19 до крајот на оваа година и дека нејзината неодамнешна изјава за вакцините не е добро толкувана во медиумите.
– Видов неколку натписи во медиумите кои не се точни, извлечен е дел од мојот говор по повод Меѓународниот ден на човековите права. Србија, како што вети претседателот Вучиќ, ќе биде една од земјите што ќе ги прими првите вакцини против вирусот – рече Брнабиќ
Таа вели дека кога зборуваше за една компанија велејќи дека Србија може да добие вакцини дури во декември 2021 година, дека е точно, но тоа е само една компанија.
– Србија не е земја како што беше порано, туку земја што денес има политичка сила и кредибилитет. Таа вакцина навистина ќе ја имаме во декември оваа година – потенцираше премиерката Брнабиќ.